C&A
Ai de min, que a perdín,
quédame o mundo deserto.
Din os soños i os paxaros:
ai, a morte non é certo.
Roupa da miña varanda,
roupiña da miña voda,
quen te ha de usar, miña roupa,
se hoxe a de loito me abonda.
Perdín o aire
maila garganta,
xunto a ribeira
auga salgada.
O paxariño do prado
ao ver as flores se alegra,
eu se vise a túa cara
botaba fóra a pena.
Aquí está o meu corazón,
se o queres matar ben podes,
xa non leva nada dentro,
se o matas xa nada morre.
Perdín o aire
maila garganta,
xunto a ribeira
auga salgada.
Na noite ao sol,
de día á sombra,
heite pensare
a vida toda.